Manchester United jinsabu ‘fuq allert’ għall-midfielder ta’ Aston Villa, John McGinn.
L-internazzjonali Skoċċiż reġa’ kien f’forma impressjonanti f’livell ta’ club matul l-istaġun 2021-22, fejn għamel 21 dehra fil-kompetizzjonijiet kollha, skorja tliet goals u pprovda żewġ assists.
Rapport riċenti sostna li Manchester United huma ammiraturi ta’ McGinn u lesti li jsegwu ftehim potenzjali matul it-tieqa tat-trasferimenti ta’ dan is-sajf.
Il-manager ta’ Villa Steven Gerrard qal ix-xahar li għadda li l-midfielder ma kienx għall-bejgħ wara li ġie mistoqsi dwar il-futur tiegħu fost diskors ta’ interess minn Manchester United.
Madankollu, wara li saru jafu li t-team ta’ Gerrard irid jiċċaqlaq għal Wilfred Ndidi ta’ Leicester City, ir-Red Devils ingħataw spinta fl-insegwiment tagħhom għall-Iskoċċiż.
Il-player ta’ 27 sena skorja 16-il goal u rreġistra 21 assist f’132 partita għal Villa minn meta ngħaqad mal-club mingħand Hibernian f’Awwissu tal-2018.
Manchester United mistennija jiffirmaw mill-inqas midfielder ċentrali ġdid matul it-tieqa tat-trasferimenti ta’ dan is-sajf, b’Paul Pogba lest li jħalli lill-club wara li jiskadi l-kuntratt tiegħu.
