Manchester United huma rappurtati li jinsabu interessati f’Youri Tielemans minkejja li Arsenal huma meqjusa bħala l-favoriti għall-midfielder ta’ Leicester City.
Il-kuntratt tal-player ta’ 25 sena fil-King Power Stadium għandu jiskadi f’Ġunju li ġej, u huwa maħsub li hu ħerqan li jħalli lill-Foxes matul it-suq tat-trasferimenti ta’ dan is-sajf biex ifittex club ġdid.
Rapport riċenti sostna li Tielemans kien informa lil sħabu li jrid jingħaqad ma’ Arsenal dan is-sajf, bil-player internazzjonali tal-Belġju diġà maħsub li qabel dwar termini personali mal-Gunners.