Manchester United iridu jiffirmaw lill-goalkeeper internazzjonali Belġjan ta’ Club Brugge, Simon Mignolet.
Peró r-Red Devils jistgħu jkollhom problema hekk kif Mignolet lagħab għal sitt snin mar-rivali eterni, Liverpool.
Huwa kien ukoll parti mis-suċċess tar-rebħ tal-UEFA Champions League, fl-2019.
Dan il-goalkeeper ta’ 34 sena qed jimpressjona ferm kemm fil-Kampjonat Belġjan kif ukoll fil-UEFA Champions League.
Il-coach tal-United, Erik ten Hag, irid li jiffirma lil Mignolet f’Jannar li ġej.
Iżda wieħed irid jara kemm dan il-goalkeeper se jaċċetta li jingħaqad magħhom hekk kif il-lealtá għall-eks team tiegħu se tiġi ttestjata.
