Manchester United identifikaw lid-difensur ta’ RB Leipzig, Nordi Mukiele bħala firma potenzjali matul it-tieqa tat-trasferimenti tas-sajf li ġej.
Iż-żagħżugħ ta’ 23 sena għamel 115-il dehra għall-club Ġermaniż tiegħu minn meta ngħaqad miegħu mingħand Montpellier fl-2018, u skorja disa’ goals u pprovda seba’ assists fil-proċess.
Sadanittant, Mukiele kien f’forma qawwija fil-bidu tal-istaġun 2021-22, u skorja goal wieħed u pprovda asist f’seba’ dehriet fil-kompetizzjonijiet kollha.
Il-ftehim attwali tad-difensur ma’ Leipzig għandu jiskadi f’Ġunju 2023, madankollu, u ġie ssuġġerit li l-player internazzjonali ta’ Franza mhux ħerqan li jiffirma kuntratt ġdid.
Manchester United iridu jiffirmaw lil Mukiele bħala kompetizzjoni għal Aaron Wan-Bissaka fuq il-lemin, filwaqt li l-fatt li jista’ jilgħab f’nofs il-ground jagħmilha proposta attraenti għall-ġganti Ingliżi.
L-ex żagħżugħ ta’ Laval għamel id-debutt mat-team nazzjonali ta’ Franza kontra l-Finlandja aktar kmieni dan ix-xahar.
