Manchester United qed ifittxu sabiex jakkwistaw is-servizzi tal-plejer ta’ nofs il-grawnd Franċiż Adrien Rabiot. Dan tal-aħħar qed jiġi segwit sew mid-diriġenti tar-Red Devils bil-kowċ Erik Ten Haag jarah bħala l-plejer li kapaċi jkun parti mit-tattika tiegħu.
Manchester United jistgħu saħansitra jieħdu lil dan il-plejer b’xejn hekk kif il-kuntratt mal-klabb tiegħu Juventus jiskadi fl-aħħar ta’ Ġunju.
Jidher li l-Franċiż hu ferm ħerqan li jibda avventura f’Old Trafford għalkemm għad irid jiltaqa’ mar-rappreżentant tiegħu.
