Manchester United kellhom scouts fil-konfront taċ-Champions League ta’ Benfica ma’ Paris Saint-Germain il-ġimgħa li għaddiet biex isegwu mill-qrib lid-difensur żagħżugħ, Antonio Silva.
Iż-żagħżugħ ta’ 18-il sena ilu ma’ Benfica mill-2016 u għamel l-avvanz fl-ewwel tim dan l-istaġun, b’disa’ dehriet fil-kompetizzjonijiet kollha.
Silva għamel sitt dehriet fil-kampjonat dan l-istaġun, minbarra tliet dehriet fiċ-Champions League, u lagħab id-90 minuta sħaħ fit-tliet logħbiet ta’ Benfica ma’ Maccabi Haifa, Juventus u PSG.
