Manchester United reġgħu qed juru interess li jiffirmaw lill-midfielder ta’ Lazio, Sergej Milinkovic-Savic.
L-internazzjonali Serb kien wieħed minn numru ta’ ismijiet ta’ profil għoli li kienu marbuta mal-club minn Old Trafford matul is-sajf qabel ma baqa’ mal-club rispettiv tiegħu.
Madankollu, il-player ta’ 26 sena jibqa’ fuq ir-radar ta’ diversi clubs kbar, partikolarment fi żmien meta m’hemmx garanziji li Lazio jassiguraw football Ewropew għall-istaġun li ġej.
Manchester United qed ikomplu jsegwu s-sitwazzjoni qabel approċċ potenzjali fl-aħħar tal-istaġun.
Minkejja li Milinkovic-Savic kellu kuntratt sal-2024, huwa ssuġġerit li l-aġent tiegħu diġà ftiehem mal-uffiċjali tal-club li jista’ jitlaq minn Stadio Olimpico.
Real Madrid u Juventus ġew ikkreditati wkoll bħala ammiraturi fil-passat u x’aktarx se jingħaqdu f’kull tellieqa għall-firma tal-player.
