Manchester United jibqgħu determinati li jġibu lill-midfielder ta’ Barcelona, Frenkie de Jong, f’Old Trafford matul is-suq tat-trasferimenti ta’ dan is-sajf.
Ir-Red Devils mistennija jiffirmaw mill-inqas midfielder ġdid wieħed fis-suq li ġej, hekk kif kemm Nemanja Matic kif ukoll Paul Pogba qed iħejju biex iħallu lill-club bi free transfer.
Il-manager il-ġdid ta’ Man United Erik ten Hag identifika lil De Jong bħala l-mira ewlenija tiegħu, wara li diġá ħadem mal-player internazzjonali Olandiż ma’ Ajax.
