Manchester United iffirmaw b’mod uffiċjali lill-goalkeeper Andre Onana mingħand Inter.
Il-player ta’ 27 sena ffirma kuntratt ta’ ħames snin f’Old Trafford, li jfisser li se jibqa’ jilgħab mar-Red Devils sal-2028.
Onana ngħaqad man-Nerazzurri bi transferiment ħieles f’Lulju li għadda wara li skada l-kuntratt tiegħu ma’ Ajax, fejn kien ilu jilgħab mill-2016. Ħamsa minn dawk is-snin kien jilgħab taħt ir-responsabbiltá tal-coach attwali tal-United, Erik ten Hag.
Huwa mifhum li l-United ħallsu lil Inter madwar €55 miljun għas-servizzi ta’ Onana, inklużi €51 miljun bil-quddiem u €4 miljun f’bonuses oħra.
