Manchester United qed jikkunsidraw li jagħmlu offerta għall-midfielder ta’ Real Madrid, Casemiro, biex isolvu l-problema ta’ nofs il-ground.
Ir-Red Devils ilhom is-sajf kollu jsegwu lil Frenkie de Jong, bit-tama li jipperswadu lill-Olandiż biex jerġa’ jingħaqad ma’ Erik ten Hag wara li ħadmu flimkien fit-team ta’ Ajax.
Peró huwa dejjem irrifjuta kull offerta biex imur jilgħab f’Old Trafford. Huma xeħtu l-interess fuq bosta midfielders iżda r-risposta dejjem kienet fin-negattiv.
Għaldaqstant huma se jippruvaw jirrikorru lejn il-Brażiljan ta’ Real Madrid, Casemiro, li kemm ilu mal-Madrileni rebaħ ħames darbiet iċ-Champions League u tliet kampjonati Spanjoli.
