Manchester United qed jikkunsidraw li jsejħu lura lil Facundo Pellistri mill-perjodu ta’ self tiegħu ma’ Alaves.
Iż-żagħżugħ ta’ 19-il sena rritorna mal-club mil-La Liga b’self matul is-sajf u deher f’seba’ okkażjonijiet matul l-istaġun 2021-22.
L-attakkant ġie utilizzat l-aktar minn fuq il-bank tas-sostituti matul dan l-istaġun, madankollu, u beda partita biss fil-La Liga.
Man United qed jiżnu l-possibbiltà li jġibu lill-Urugwajan lura f’Old Trafford f’Jannar qabel ma jibagħtuh b’self ma’ club ieħor fejn ikun utilizzat iktar b’mod regolari.
Pellistri, li ngħaqad mat-team ta’ Ole Gunnar Solskjaer mingħand Penarol f’Ottubru 2020, kien involut fil-pre-season ta’ Man United iżda għad irid jiddebutta mal-ewwel team tal-club.
Il-player mill-Amerika t’Isfel, li fil-biċċa l-kbira jilgħab bħala attakkant fuq il-lemin f’dan l-istaġun, għad fadallu erba’ snin fil-kuntratt tiegħu mar-Red Devils.
