Manchester United qed jikkunsidraw li joffru lil Marcus Rashford lil Barcelona bħala parti minn ftehim għall-midfielder Olandiż, Frenkie de Jong.
Huwa mifhum li l-manager konfermat tar-Red Devils Erik ten Hag identifika lil De Jong bħala mira ewlenija matul it-tieqa tat-trasferimenti ta’ dan is-sajf.
Il-coach ta’ Barcelona Xavi riċentement qal li kien iddisprat li jżomm lill-internazzjonali Olandiż, iżda l-ġganti Katalani huma maħsuba li huma miftuħa għall-offerti għalih matul it-tieqa tat-trasferimenti ta’ dan is-sajf.
Rashford, intant, għadu marbut ma’ ċaqliq ‘il bogħod minn Old Trafford, wara li tħabat biex iħalli l-marka tiegħu għall-club matul l-istaġun 2021-22.
Barcelona qed jingħad li huma ammiraturi tal-player internazzjonali Ingliż, li rnexxielu jirreġistra biss ħames goals u żewġ assists f’31 dehra f’livell ta’ club dan l-istaġun.
Jidher li Manchester United jistgħu jużaw lil Rashford bħala parti mill-offerta għal De Jong, filwaqt li Alex Telles jista’ wkoll jiġi offrut lill-ġganti tal-La Liga fi skambju possibbli.
Ten Hag, li uffiċjalment se jinħatar manager tar-Red Devils fi tmiem l-istaġun, mistenni jorganizza laqgħa permezz ta’ Zoom ma’ kull player ta’ Manchester United, inkluż Rashford, matul it-tliet ġimgħat li ġejjin, u l-pjanijiet tal-attakkant għas-sajf, x’aktarx li jiġu diskussi.
