Manchester United qed jippreparaw biex iniedu l-ewwel offerta għall-midfielder ta’ Lazio, Sergej Milinkovic-Savic.
Il-futur tal-internazzjonali Serb kien is-suġġett ta’ ħafna spekulazzjonijiet fl-aħħar xhur, b’numru ta’ clubs maħsuba li huma ħerqana li jiffirmawh matul it-tieqa tat-trasferimenti ta’ dan is-sajf.
Manchester United kienu marbuta ħafna mal-player ta’ 27 sena, u jidher li r-Red Devils ‘dalwaqt se jidħlu fil-fażi operattiva tan-negozjati’ biex jiffirmaw lill-midfielder.
Manchester United qed iħejju ‘l-ewwel offerta’ għall-player Serb, għalkemm iż-żewġ clubs għadhom xi ftit ‘l bogħod minn xulxin f’dak li għandu x’jaqsam mal-valutazzjonijiet tagħhom.
Inizjalment Lazio kienu qed jitolbu €120m (£100.1m) iżda issa niżlu l-prezz mitlub tagħhom għal €80m, b’Paris Saint-Germain u Juventus ukoll fit-taqtiegħa għall-firma tiegħu qabel l-istaġun li ġej.
