Manchester United offrew lid-difensur ta’ Barcelona, Ronald Araujo, kuntratt ta’ £8.4 miljuni fis-sena biex imur jilgħab f’Old Trafford.
Iż-żagħżugħ ta’ 22 sena kien player vitali għall-klabb Katalan tiegħu matul l-istaġiun 2021-22, u għamel 25 dehra fil-kompetizzjonijiet kollha, inklużi 17-il ħarġa fil-La Liga.
Araujo daħal fl-aħħar 18-il xahar tal-kuntratt tiegħu fil-Camp Nou, madankollu, u dan l-aħħar kien hemm għadd ta’ spekulazzjonijiet dwar il-futur tiegħu.
Huwa mifhum li Manchester United qed ifasslu ‘offerta kbira’ għall-internazzjonali Urugwajan bit-tama li jakkwsitawh qabel l-istaġun 2022-23.
Jidher li r-Red Devils offrew lid-difensur salarju ta’ £8.4m fis-sena.
Barcelona ma jkunux jistgħu jilħqu iċ-ċifra minħabba l-problemi finanzjarji tagħhom, għalkemm il-Katalani huma maħsuba li jinsabu kalmi dwar is-sitwazzjoni.
Il-coach ta’ Barcelona Xavi dan l-aħħar qal li l-club immexxi minnu jrid jestendi l-ftehim ta’ Araujo “mill-aktar fis possibbli”.