Manchester United, Liverpool u Manchester City huma kollha interessati fi trasferiment għad-difensur ta’ Torino, Bremer.
Iż-żagħżugħ ta’ 24 sena kellu rwol ewlieni għat-team tas-Serie A mill-wasla tiegħu minn Atletico Mineiro tliet snin ilu, u rreġistra ħames goals minn 33 logħba tal-kampjonat l-istaġun li għadda.
Everton u Liverpool it-tnejn kienu marbuta ma’ trasferiment għal Bremer matul it-tieqa tat-trasferimenti ta’ Jannar, iżda l-interess fid-difensur jista’ jintensifika din id-darba.
Liverpool jibqgħu favotori għall-firma ta’ Bremer, iżda Man United u Man City huma lesti li jikkompetu mar-Reds għall-firma tiegħu.
Bremer mhux se jestendi l-kuntratt tiegħu ma’ Torino lil hinn mill-2023, u Juventus u Inter ġew avżati wkoll dwar id-disponibbiltà tiegħu.
Id-difensur ċentrali skorja total ta’ 11-il goal fi 83 dehra għal Torino, li jridu bejn €20m u €25m għas-servizzi tiegħu.
