Manchester United mhumiex lest li jħallsu £60 miljun għall-firma tal-midfielder internazzjonali Ingliż ta’ Chelsea, Mason Mount.
Il-kuntratt tal-player ta’ 24 sena mal-Pensioners jintemm f’Ġunju 2024 u mhux beħsiebu jiffirmaw wieħed ġdid. Għaldaqstant il-club minn Londra jrid jinnegozja l-kuntratt tiegħu minħabba li fi tmiem l-istaġun li ġej jitlaq b’xejn.
U filwaqt li l-prezz tiegħu huwa dak ta’ £60 miljun, ir-Red Devils jinsabu lesti biss li jħallsu £40 miljun. Oriġinarjament, il-valur tiegħu kien dak ta’ £70 miljun iżda Chelsea huma konxji li dan mhuwiex il-prezz reali.
