Manchester United mistennija jilħqu ftehim doppju għal Darwin Nunez ta’ Benfica u Goncalo Inacio ta’ Sporting Lisbon fl-istadji bikrija tas-suq tat-trasferimenti tas-sajf.
Ir-Red Devils se jkunu qed jirristrutturaw l-iskwadra tagħhom dan is-sajf, b’numru ta’ players se jġallu l-club bi free transfer, filwaqt li l-manager konfermat Erik ten Hag mistenni jkollu £100 miljun x’jonfoq f’akkwisti ġodda.
Ir-Red Devils mistennija jakkwistaw mill-inqas attakkant ġdid dan is-sajf, b’Edinson Cavani se jitlaq bi free transfer, u Marcus Rashford u Anthony Martial jiffaċċjaw futuri inċerti mal-club.
Nunez kien marbut b’mod qawwi ma’ trasferiment mal-club minn Old Trafford, u jidher li l-player internazzjonali Urugwajan sejjer fid-direzzjoni ta’ Manchester.
Sadanittant, jidher li r-Red Devils qed jersqu wkoll lejn ftehim għal Inacio, li se jasal biex isaħħaħ id-difiża tat-team li diġá qed tipprepara bis-sħiħ minn kull lat għall-istaġun 2022-23.
