Manchester United għamlu pjanijiet biex jagħmlu offerta għad-difensur ċentrali ta’ Sporting Lisbon, Goncalo Inacio, ta’ 20 sena, fis-suq tat-trasferimenti tas-sajf li ġej.
Ir-Red Devils jingħad li huma interessati li jsaħħu diversi żoni tal-ground fis-suq tat-trasferimenti meta Erik ten Hag jieħu t-tmexxija tal-club qabel l-istaġun 2022-23.
Jingħad li l-manager ta’ 52 sena jinsab fit-tenattiv li jakkwista difensur xellugi, midfielder ċentrali u difensur ċentrali b’mod partikolari, b’Inacio jidher li huwa l-kandidat ideali biex jimla din l-aħħar pożizzjoni.
Wara li daħal fl-ewwel team għat-team ta’ Lisbona l-istaġun li għadda, Inacio kompla biex għamel 67 dehra mal-club, u għen lit-team tiegħu jirbaħ it-titlu tal-Primeira Liga s-sena l-oħra, kif ukoll tliet tazzi domestiċi.
Il-player internazzjonali tal-Portugall ta’ taħt il-21 sena se jiswa madwar £38.5m, meta għad fadallu erba’ snin fil-kuntratt attwali tiegħu ma’ Sporting.
Jekk imur jilgħab fil-Premier League mal-United, Inacio ikun qed jikkompeti għall-post regolari mal-ewwel 11 ma’ Harry Maguire, Victor Lindelof u Raphael Varane fit-team ta’ Ten Hag.
