Manchester United qed jaħdmu biex isibu s-sostitut denju ta’ Cristiano Ronaldo li jidher li f’Jannar li ġej se jħalli lill-club hekk kif issa hija ħaġa ċara li r-relazzjoni mal-coach Erik ten Hag ħżienet immens.
Fuq il-lista tagħhom, ir-Red Devils identifikaw tliet players li jistgħu jkunu s-suċċessuri tal-attakkant internazzjonali Portugiż.
Il-fatt li fadal tliet partiti biss biex jieqaf il-kampjonat minħabba t-Tazza tad-Dinja u mbagħad ikun hemm żewġ programmi oħra qabel l-aħħar tas-sena, jidher biċ-ċar li Ronaldo mhux se jilbes aktar il-flokk tar-Red Devils minkejja li għandu salarju ta’ £550,000 fil-ġimgħa.