Manchester United qed jistennew li Cristiano Ronaldo jitlaq minn Old Trafford dan is-sajf.
L-internazzjonali Portugiż reġa’ ngħaqad mar-Red Devils mingħand Juventus is-sena l-oħra u gawda minn ritorn impressjonanti ta’ goals, fejn sab ix-xibka 18-il darba fi 32 dehra.
Ronaldo għandu kuntratt mal-club sa Ġunju 2023, bl-għażla ta’ 12-il xahar ieħor, iżda kien hemm talbiet li jrid jitlaq matul it-tieqa tat-trasferimenti ta’ dan is-sajf.
Manchester United bħalissa qed jiffaċċjaw battalja biex jispiċċaw mal-ewwel erbgħa fil-Premier League, hekk kif qed jiġġieldu biex jassiguraw post fiċ-Champions League għall-istaġun li ġej.
Ir-Red Devils qed jistennew li Ronaldo jimbotta biex jitbiegħed minn Old Trafford fis-suq tat-trasferimenti li ġej.
Manchester United jistgħu jkunu lesti li jħalluh jitlaq bi free transfer minħabba t-tfaddil li kienu jagħmlu f’termini tal-pakkett tal-pagi tiegħu.
Ronaldo mhux maħsub li qed jikkunsidra li jitbiegħed mill-football Ewropew f’dan l-istadju tal-karriera tiegħu, u kien hemm suġġerimenti li Paris Saint-Germain jistagħu jkunu għażla għall-player ta’ 37 sena.
