Manchester United u Tottenham Hotspur jinsabu lesti li jidħlu f’taqtiegħa għall-firma tal-playmaker ta’ Brentford, Christian Eriksen.
L-internazzjonali Daniż gawda minn ritorn spettakolari fl-ogħla livell mill-attakk ta’ qalb li sofra fil-Euro 2020 u diġà skorja goal u pprovda assist minn erba’ logħbiet tal-Premier League f’dan l-istaġun.
Ir-ritorn ta’ Eriksen fl-iskwadra tad-Danimarka x-xahar li għadda rah ukoll jiskorja f’żewġ partiti ta’ ħbiberija mal-Olanda u s-Serbja, u hu għandu kuntratt ma’ Brentford sas-sajf li ġej.
Thomas Frank ikkonferma li jrid iżomm lil Eriksen fuq il-kotba għall-istaġun 2022-23 ‘il quddiem, iżda huwa mifhum li Manchester United u Spurs jisnau interessati fl-akkwist potenzjali tal-player ta’ 30 sena jekk huwa jsir disponibbli bi free transfer.
Il-manager attwali ta’ Spurs, Antonio Conte, huwa familjari ma’ Eriksen miż-żmien tagħhom flimkien ma’ Inter, u l-midfielder skorja 69 goal u pprovda 90 assist fi 305 logħba għal Spurs bejn l-2013 u l-2020.
Madankollu, Eriksen ġarrab żmien iebes ma’ Inter, u rreġistra biss tmien goals u tliet assists f’60 partita għan-Nerazzurri.
