Manchester United huma rappurtati li jinsabu lesti li jidħlu f’taqtiegħa ma’ Juventus biex jiffirmaw lid-difensur ta’ Borussia Dortmund, Manuel Akanji.
Il-player ta’ 26 sena ilu jilgħab fil-Westfalenstadion mill-bidu tal-2018, bil-player internazzjonali tal-Iżvizzera għamel total ta’ 29 dehra fil-Bundesliga u l-UEFA Champions League matul dan l-istaġun.
Madankollu, bi ftit aktar minn 14-il xahar li fadallu fil-kuntratt tiegħu, Dortmund jidhru dejjem aktar probabbli li jsibu ruħhom jitħabtu biex iżommu s-servizzi ta’ wieħed mill-players ewlenin tagħhom.
Fil-fatt huwa mifhum li l-ġganti Ġermaniżi jistennew iċedu lil Akanji matul it-tieqa tat-trasferimenti tas-sajf.
Naturalment, Manchester United huma meqjusa bħala destinazzjoni potenzjali għal dan il-player minħabba t-taqlib fl-iskwadra imminenti f’Old Trafford, filwaqt li Juventus jingħad ukoll li huma ammiraturi tiegħu.
Jidher li Akanji qed iqis sfida ġdida fil-karriera tiegħu, bil-perjodu ta’ erba’ snin u nofs tiegħu f’Dortmund mistennija jaslu fi tmiemhom dalwaqt wara li ngħaqad magħhom mingħand l-Iżvizzeri ta’ Basel.
