Tmiem is-sena għal Manuel Neuer ġie mill-ħażin għall-agħar wara li kiser siequ jiem biss wara li l-Ġermanja sfaw eliminati mit-Tazza tad-Dinja.
Il-captain tal-Ġermanja kellu inċident waqt vaganza tal-iskijjar li kawża tiegħu kellu bżonn operazzjoni.
Issa se jitlef il-kumplament tal-istaġun.
Il-goalkeeper Neuer u l-Ġermanja kellhom jippakkjaw kmieni mit-Tazza tad-Dinja wara eliminazzjoni imbarazzanti mill-Fażi tal-Gruppi … biex se tkun l-aħħar darba għal dan il-player ta’ 36 sena li jieħu sehem fl-akbar manifestazzjoni sportiva fid-dinja.
Il-captain ta’ Bayern Munich imbagħad mar jiskijja biex jirrilassa xi ftit, iżda kiser siequ f’inċident.
Neuer kiteb fuq Instagram mis-sodda tiegħu tal-isptar: “Ħej, x’nista’ ngħid, l-aħħar tas-sena żgur li seta’ ġej aħjar għalija!”
