Il-goalkeeeper veteran Ġermaniż Manuel Neuer jidher li hu qrib li jkompli l-karriera tiegħu ma’ Bayern Munich minkejja t-tħassib li seta’ jirtira fis-sena 2026. Il-goalkeeper ta’ 39 sena, li ilu l-Numru 1 tal-Bavarjani minn mindu ngħaqad mal-klabb fl-2011, għadu qed juri livell għoli u diġà żamm tliet logħbiet mingħajr ma jaqla’ gowl matul dan l-istaġun.
Id-deċiżjoni tiegħu tista’ tiddetermina l-pjanijiet futuri ta’ Bayern fil-pożizzjoni ta’ goalkeeper, billi l-klabb għandu bżonn jippjana l-ġenerazzjoni li jmiss wara l-veteran Ġermaniż. Minkejja kollox, Neuer jibqa’ figura ċentrali fil-proġett sportiv tal-klabb.