Griega ta’ 27 sena ġiet arrestata mal-wasla tagħha fl-Ajruport Internazzjonali ta’ Malta, wara li nstabu pakketti bi droga li nstabu fil-bagalja tagħha.
Uffiċjali tad-Dwana wettqu spezzjonijiet fuq passiġġieri li s-Sibt filgħaxija waslu fuq titjira li bdiet f’Madrid, Spanja li waslet Malta wara konnessjoni fi Frankfurt, il-Ġermanja.
Minnufih intalbet l-assistenza tal-Pulizija u fi tfittxija fil-bagalja tal-mara instabu pakketti bi 15-il kilo sustanza suspettata ħaxixa tal-cannabis.
Bil-każ ġie infurmat il-Maġistrat Dr Ian Farrugia LL.D li ħatar inkjesta.
Hija se tkun qed titressaq il-Qorti aktar tard illu, għall-ħabta tas-2:30 p.m, quddiem il-Maġistrat Dr Abigail Critien LL.D
