Mara ta’ 31 sena residenti s-Siġġiewi qed issofri minn ġrieħi gravi, wara li dalgħodu għall-ħabta tas-7:00 a.m, kienet involuta f’inċident tat-traffiku fi Triq l-Iskola fis-Siġġiewi.
Minn stħarriġ illi sar, irriżulta li kienet seħħet ħabta bejn Mazda Demio misjuqa mill-vittma u Maruti Gypsy misjuqa minn raġel ta’ 25 sena residenti Birkirkara.
Il-mara ngħatat l-għajnuna minn tim mediku u ttieħdet l-Isptar Mater Dei b’ambulanza.
Il-Pulizija għaddejja bl-investigazzjonijiet fuq il-każ.
