Mara ta’ 44 sena residenti Ħal Balzan qed issofri minn ġrieħi gravi. Dan wara li dalgħodu għal xi 8:15 a.m, kienet involuta f’inċident tat-traffiku fi Triq il-Kannizzata, f’Ħal Balzan.
Mill-ewwel stħarriġ irriżulta li l-vittma ntlaqtet minn Mazda Demio, li kienet qed tinstaq minn mara ta’ 23 sena residenti Ħ’Attard.
Il-mara ngħatat l-għajnuna minn tim mediku, ittieħdet l-isptar b’ambulanza.
L-investigazzjonijiet mill-Pulizija għadhom għaddejjin.
