Mara ta’ 30 sena residenti Ħal Għaxaq qed issofri minn ġrieħi gravi, wara li dalgħodu għall-ħabta tal-4:00 a.m, kienet involuta f’inċident fi Triq id-Dragunara f’San Ġiljan.
Minn stħarriġ illi sar irriżulta li l-vittma intlaqtet minn karozza li allegattament baqgħet sejra. Fuq il-post issejjaħ tim mediku u ambulanza li ħadet lill-vittma l-Isptar Mater Dei sabiex tingħata l-kura meħtieġa.
Investigazzjonijiet intensivi mill-Pulizija wasslu sabiex ftit tal-ħin wara nstabet vettura talgħamla Toyota Vitz li allegatament kienet involuta fl-inċident. Raġel ta’ 26 sena residenti San Ġwann, ġie arrestat għal aktar stħarriġ.
L-investigazzjonijiet tal-Pulizija għadhom għaddejjin.
