Mara Peruvjana ta’ 30 sena sofriet ġrieħi ta’ natura gravi wara li kienet involuta f’inċident tat-traffiku fil-Gżira. L-inċident seħħ għall-ħabta tas-1.10 a.m. fi Triq Testaferrata.
Mill-investigazzjonijiet preliminari tal-Pulizija jirriżulta li seħħet ħabta bejn vettura li telqet minn fuq il-post u mutur tal-għamla Niu li kien qed jinstaq mill-mara.
Il-mara ttieħdet l-Isptar Mater b’ambulanza għall-kura meħtieġa fejn aktar tard ġiet iċċertifikata li qed issofri minn ġrieħi gravi.
L-investigazzjonijiet tal-Pulizija dwar dan l-inċident għadhom għaddejjin.
