Mara sofriet ġrieħi wara li lbieraħ, għall-ħabta tas-6:30 p.m kienet involuta f’inċident li seħħ f’residenza fi Triq il-Kartoċċ, is-Swieqi
Minn stħarriġ illi sar irriżulta li mara ta’ 25 sena li kienet toqgħod fl-istess residenza sofriet xi ġrieħi wara li waqgħet madwar sular minn fuq ħajt ta’ terrazzin.
Fuq il-post issejjaħ tim mediku biex jassisti u ambulanza ħadet lill-mara l-Isptar Mater Dei għall-kura. Aktar tard hi ġiet iċċertifikata li qed issofri min ġrieħi gravi.
L-investigazzjoni tal-Pulizija dwar dan l-inċident għadha għaddejja.
