Ilbieraħ filgħaxija, għall-ħabta tad-9.30 p.m. il-Pulizija ġiet infurmata b’inċident tat-traffiku f’Dawret Ħal Għaxaq, Ħal Għaxaq.
Mill-investigazzjonijiet illi saru rriżulta li kien seħħ inċident bejn mutur Kymco Agility misjuq minn mara ta’ 46 sena residenti Ħaż-Żabbar u karozza Mazda CX-3, misjuqa minn raġel ta’ 47 sena, residenti Ħal Għaxaq.
Il-mara ngħatat l-ewwel għajnuna minn tim mediku sakemm setgħet ttieħdet l-Isptar Mater Dei b’ambulanza għal aktar kura. Aktar tard hija ġiet iċċertifikata li sofriet ġrieħi gravi.
L-investigazzjonijiet tal-Pulizija b’rabta ma’ dan il-każ għadhom għaddejjin.