Mara ddaħlet l-Isptar wara li lbieraħ, għall-ħabta tat-08:15 p.m., kienet involuta f’inċident tat-traffiku fi Triq Alamein, Pembroke.
Minn stħarriġ illi sar irriżulta li seħħ impatt bejn vann Toyota Hi-Ace misjuq minn raġel ta’ 43 sena residenti Pembroke u karozza Opel Adam misjuqa minn mara ta’ 27 sena residenti l-Iklin,.
Il-mara ngħatat l-ewwel għajnuna minn tim mediku sakemm setgħet ttieħdet l-Isptar Mater Dei b’ambulanza għal aktar kura. Aktar tard hija ġiet iċċertifikata li sofriet ġrieħi gravi.
L-investigazzjonijiet mill-Pulizija b’rabta ma’ dan il-każ għadhom għaddejjin.
