Wara diversi spekulazzjonijiet mill-ġurnali Spanjoli, issa waslet il-konferma li Barcelona ġeddew il-kuntratt tal-gowlkiper tagħhom Marc Andre Ter Stegen. Hu se jkun qed jilbes il-flokk Blaugrana sa Ġunju 2028 u se jiżdiedlu sew is-salarju mal-klabb.
Ter Stegen ingħaqad ma’ Barcellona fis-sajf tas-sena 2014 mingħand Borussia Monchengladbach u bħalissa hu r-raba’ gowlkiper li qatt lagħab għat-tim mill-Katalunja. F’disa’ snin hu rebaħ ħames kampjonati, ħames tazzi tar-re, Champions League, tliet supercup Spanjoli u t-tazza tad-dinja tal-klabbs.
