Marcelo Bielsa se jkun il-coach il-ġdid tat-tim nazzjonali tal-Urugwaj hekk kif il-Federazzjoni tal-Futbol tal-pajjiż kellha taħditiet miegħu għal dawn l-aħħar ġimgħat. Dan l-aħħar it-tim kien qed jitmexxa minn Diego Alonso li kien ħa post Oscar Tabarez li kien ilu numru ta’ snin fit-tmun tat-tim.
Bielsa llum il-ġurnata għandu 67 sena u għandu esperjenza vasta fil-qasam tal-futbol internazzjonali meta mexxa lit-timijiet nazzjonali tal-Arġentina u ċ-Ċili, filwaqt li fuq livell ta’ klabbs kien ma’ Leeds United, Marseille, Lazio, Lille, America, Velez Sarsfield u Newell’s Old Boys fost l-oħrajn.