Huwa kważi ċert li Marcelo Brozovic mhux se jkun player ta’ Barcelona fl-istaġun li ġej, minkejja r-rieda preċedenti ta’ dan il-player ta’ 30 sena li jingħaqad maċ-champions ta’ La Liga.
Huwa rrappurtat li Brozovic qabel mat-termini personali ma’ Al-Nassr, f’mossa li se tarah jingħaqad ma’ Cristiano Ronaldo. Preċedentement huwa kien irrifjuta approċċ mill-club Sawdi, iżda issa għażel it-trasferiment.
Brozovic, li kien qed ixaqleb lejn Barcelona, kien qalilhom biex sal-ġimgħa d- dieħla jissottomettu offerta lil Inter sabiex jiffirmawh. Madankollu, minn dakinhar iddeċieda li jieqaf jistenna lill-Blaugrana.
L-aħbar tfisser li Barcelona issa tilfu l-aqwa tliet miri ta’ nofs il-ground (Martin Zubimendi, Joshua Kimmich u Brozovic). L-insegwiment tagħhom ta’ sostitut ta’ Sergio Busquets kien partikolarment diffiċli s’issa, li mhix aħbar tajba għal Xavi Hernandez.
Minkejja dan, Barcelona għaddew għal mira oħra, b’Oriol Romeu ta’ Girona jidher li huwa l-prijorità tagħhom f’dan il-mument.
