Il-manager ta’ Manchester United Erik ten Hag ikkonferma li n-nuqqas ta’ Marcus Rashford mill-iskwadra vjaġġat lejn il-Moldova għall-partita tal-Europa League tal-lum il-Ħamis kontra Sheriff Tiraspol kien kawża ta’ injury.
Il-player internazzjonali Ingliż kien assenti meta tħabbret l-iskwadra għall-partita Ewropea, u ma tħarriġx mar-Red Devils l-Erbgħa filgħodu.
Ten Hag kien mistoqsi dwar il-prodott tal-akkademja tal-club waqt il-konferenza stampa tiegħu qabel il-partita u żvela li ma kienx disponibbli għall-għażla minħabba “injury muskolari”.
