Manchester United huma lesti li jġeddu l-kuntratt tal-attakkant internazzjonali Ingliż Marcus Rashford. Dan tal-aħħar għandu 25 sena u spikka matul l-istaġun li għadda mar-Red Devils u esprima x-xewqa li jġedded il-ftehim li għandu magħhom minħabba li jinsab għal qalbu f’Old Trafford.
Fil-preżent hu għandu kuntratt sas-sena 2024 għalkemm l-għan tiegħu hu li jkollu ftehim li jtul għal iktar żmien.
Rashford lagħab 239 logħba ma’ Manchester United filwaqt li skorja 76 gowl.
