Aħbar li ħarġet il-Ħamis iżda li seħħet xahar ilu kienet tinvolvi għal darb’oħra lil Mario Balotelli li sa ftit tal-ġimgħat ilu kien jilgħab ma’ Sion FC fl-Iżvizzera.
Li ġara kien li Balotelli flimkien mal-president tal-klabb Barthelemy Constantin kienu mistiedna għal festin partikolari lebsin ta’ Pikachu tas-serje Pokemon. Kulħadd kien liebes xi kostum partikolari u l-mistiedna kif raw lil Balotelli pront riedu jieħdu stessu miegħu.
Jidher li Super Mario, kif inhu mlaqqam, iddejjaq jieħu stessu wara l-ieħor u ħin minnhom kien vjolenti ma’ wieħed mill-mistednin. Kien hawn li nqala’ pandemonju sħiħ hekk kif kien hemm min spiċċa fl-idejn! Kif jgħidu, lil min tafu issaqsix għalih!