L-eks champion taċ-ċikliżmu internazzjonali, it-Taljan Mario Cipollini ġie kkundannat tliet snin ħabs wara li t-tribunal ta’ Lucca sabitu ħati li sawwat lill-eks mara tiegħu Sabrina Landucci.
Din tal-aħħar għamlet rapport fil-kwartieri ġenerali ta’ Lucca lill-pulizija wara li sofriet diversi ġrieħi fi ġlieda li kellha mal-istess Cipollini. Dan tal-aħħar kellu wkoll akkużi oħra fosthom li hedded lis-sieħeb il-ġdid ta’ Sabrina, Silvio Giusti li hu plejer tal-futbol professjonali.
