Il-Hudson Race Series intemmet bil-Valletta Edition li saret il-Ħadd filgħodu. Din it-tellieqa li hi mgħarua bħala waħda li toffri diversi sfidi rat parteċipazzjoni sold out f’din is-serje ta’ ħames tiġrijiet. Din it-tellieqa hija magħrufa bħala waħda mill-aktar li teħtieġ sforz fiżiku, b’telgħat iebsa u l-kundizzjonijiet ta’temp diffiċli.
Tellieqa ta’10km
Mark Herrera wera prestazzjoni b’saħħitha mill-bidu. Hu kiseb l-ewwel post fit-tellieqa tal-10km. Leon Chetcuti u Clyde Sciberras segwewh fit-tieni u t-tielet post rispettivament. It-tlieta li huma għamlu sforzi determinati fuq rotta magħrufa għat-tlajja li fiha.
Fil-kategorija tan-nisa għal 10km, Josann Attard Pulis żammet vantaġġ komdu fuq il-kompetituri tagħha. Kien hemm kompetizzjoni mill-qrib għat-tieni u t-tielet post, b’Josianne Cilia Mumford tirnexxi tirreżisti l-isfida minn Fleur Grima Azzopardi, li kisbet it-tielet post.
Tellieqa ta’ 5km
Il-5km rat kompetizzjoni bbilanċjata fost l-ewwel tlett atleti. Brandon Saliba kiseb l-ewwel post, b’Ryan Farrugia qrib warajh fit-tieni post. Heathcliff Vella kkompleta l-podju bit-tielet post.
Fil-kategorija tan-nisa, Rosalie Borg Cauchi kisbet l-ewwel post wara li għelbet sfida tajba minn Charyl Fava, li spiċċat fit-tieni post. Nadia Mifsud kisbet it-tielet post
“Il-Hudson Race Series għamlet progress konsistenti mill-bidu tagħha fl-2015 bħala serje ta’ 10k. Hekk kif nersqu lejn l-għaxar anniversarju fl-2025, inħarsu ‘l quddiem biex niċċelebraw dan il-mument – mal-parteċipanti li kienu magħan mill bidu kif ukoll mal-ġodda li ser jissieħbu magħna. Ninsabu grati mmens lejn il-Hudson Group talli emmnu fil-viżjoni tagħna mill-ewwel ġurnata u għal appoġġhom kontinwu,”irrimarka Charlie Demanuele, Direttur tat-Tlielaq.
Demanuele kompla jirringrazzja l-uffiċjali tat-Tellieqa, it-tim mediku, il-Kunsilli Lokali ta’ Floriana u Valletta, Malta Public Transport u l-uffiċjali ta’ Transport Malta immexxija minn David Spiteri u t-tim tiegħu.
Hudson Race Series League
Il–Hudson Race Series League 2024 ġiet introdotta din is-sena biex tippremja lill-atleti mhux biss għall-prestazzjonijiet tagħhom iżda wkollgħall-konsistenza matul it-tlielaq kollha. Ir-rebbieħa overall kienu Leon Chetcuti u Josann Attard Pulis fil-kategorija tal-10k, filwaqt li Charyl Fava u Ryan Farrugia ħadu l-ewwel post fil-kategorija tal-5k.
Is-Serje tal-Hudson Race Series 2025 se terġa’ lura b’serje oħra ta’ ħames tlielaq. L-ewwel tellieqa ssir nhar il-Ħadd, 5 ta’ Jannar.
