Marsa Scouts Pipes & Drums, il-banda fi ħdan il-Marsa Scouts Group bħalissa qed tipparteċipa fil-Basel Tattoo 2022, li bħalissa jinsab fil-15-il anniversarju tiegħu.
Huma qed jirrappreżentaw lil Malta u lill-Iscouts Group tiegħu f’dan l-avveniment. Basel Tattoo huwa spettaklu annwali mwettaq minn baned militari Internazzjonali u lokali, ‘Display Teams’, mużiċisti popolari u formazzjonijiet oħra f’Basel, l-Isvizzera.
Huma ser ikunu qed jesegwixxu bħala parti mill-Massed Pipes & Drums, flimkien ma’ disa’ baned oħra. Din hija t-tieni darba li qed jipparteċipaw f’dan l-avveniment prestiġjuż, bl-ewwel darba kien fl-2018. Se jkunu qed isiru wirjiet kuljum mill-15 ta’ Lulju sat-23 ta’ Lulju kif ukoll parata fit-toroq madwar il-belt ta’ Basel li ssir fis-16 ta’ Lulju b’aktar minn 100,000 spettatur tul ir-rotta.
Il-kast huwa magħmul minn 1,000 artist, ġejjin minn diversi pajjiżi bħall-Afrika t’Isfel, l-Awstralja, l-Iskozja, l-Indja, u l-Isvizzera.
