Marsaxlokk ASC huma ċ-Champions tal-Kampjonat BOV tal-Ewwel Diviżjoni tal-Water Polo, billi għelbu lil Otters ASC 2-0 fis-serje finali tal-playoffs tal-aħjar minn tliet logħbiet. Din ir-rebħa tisiġilla staġun notevoli għat-tim Xlukkajr li rebaġ ukoll il-BOV Knockout, u kkompletaw double prestiġjuża, l-ewwel wieħed għalihom mill-1999.
Marsaxlokk kienu l-aktar tim dominanti fl-Ewwel Diviżjoni tal-BOV u temmew il-kampanja tagħhom billi rebħu l-logħbiet kollha tagħhom fl-istaġun regolari u wkoll fil-playoffs. Il-prestazzjoni tagħhom fil-playoffs kontra Otters kienet immarkata minn difiża dixxiplinata u attakki kkoordinati.
Wara rebħa komda ta’ 17-11 fl-ewwel logħba tas-sensiela, Marsaxlokk kienu fi klassi għalihom fit-tieni waħda, billi għelbu lil Otters b’rebħa kbira ta’ 27-16.
B’Otters bin-nuqqas ta’ Mark Meli, Marsaxlokk ħadu vantaġġ sħiħ, u kisbu vantaġġ ta’ 8-2 fl-ewwel sessjoni. Sa nofs il-logħba, ir-riżultat deher kważi deċiż, b’Marsaxlokk fil-kontroll b’riżultat ta’ 17-5, grazzi għal tmien gowls minn Nikola Bogdanovic.
It-tielet sessjoni kienet logħba aktar bilanċjata, hekk kif Marsaxlokk bidlu l-iskwadra tagħhom u taw opportunita’ lil xi wħud mill-plejers iżgħar tagħhom. Anke hekk, żammew vantaġġ komdu, u għalqu s-sessjoni b’riżultat ta’ 22-11. Fl-aħħar sessjoni, Marsaxlokk għalqu l-logħba b’awtorità, billi ssiġillaw rebħa dominanti ta’ 27-16 u r-rebħ tal-Kampjonat
It-trofew tal-BOV First Division League iddisinjat apposta biex ifakkar il-100 anniversarju tal-Assoċjazzjoni tal-Isport Akkwatiku ta’ Malta ġie ppreżentat lill-iskwadra ta’ Marsaxlokk mill-Uffiċjal Kap tal-Operazzjonijiet tal-Bank of Valletta, Ernest Agius, u l-President tal-ASA, Karl Izzo waqt iċ-ċerimonja uffiċjali fil-Pixxina Nazzjonali f’Tal-Qroqq.
Hekk kif l-Aquatic Sports Association of Malta tfakkar il-100 anniversarju tagħha, dan l-avveniment importanti jibqa’ xhieda ta’ seklu ta’ dedikazzjoni għall-isports akkwatiċi madwar il-Gżejjer Maltin. Mill-2008, il-Bank of Valletta kien sieħeb sod f’dan il-vjaġġ, u kellu rwol ċentrali fl-appoġġ tal-missjoni tal-ASA li trawwem it-talent, tippromwovi l-isports akkwatiku u tkabbar il-preżenza ta’ Malta fix-xena internazzjonali. Flimkien, l-ASA u l-BOV ikomplu jiċċelebraw il-passat, jispiraw il-preżent, u jsawru l-futur tal-isports akkwatiċi f’Malta.