Marsaxlokk FC ħabbru l-akkwist tal-plejer mil-Litwanja, Domantas Simkus.
Il-midfielder iġib miegħu kwalità, tmexxija, u esperjenza Ewropea lill-iskwadra ta’ Marsaxlokk, u jsaħħaħ lit-tim hekk kif qed ikomplu jibnu għall-isfidi li ġejjin.
Prodott ta’ LFF Akademija, huwa qatta’ perjodu ma’ Aalborg BK fid-Danimarka minn età żgħira qabel ma rritorna l-Litwanja fejn lagħab għal Atlantas u Zalgiris. Aktar tard lagħab ma’ Hapoel Kfar Saba fl-Iżrael, FK Sabail fl-Ażerbajġan u NS Mura fis-Slovenja qabel ma rritorna l-Litwanja fejn ingħaqad ma’ FA Šiauliai.
Matul l-aħħar staġun huwa lagħab ma’ Hamrun Spartans, fejn rebaħ il-Malta Premier u anke rrappreżentahom fil-UEFA Conference League.
Huwa jilgħab ukoll mat-tim nazzjonali tal-Litwanja.
