Marsaxlokk ……1
Hibernians …….1
Minn Cristian Muscat
Marsaxlokk temmew fi draw ta’ 1-1 kontra Hibernians biex b’hekk ma rnexxielhomx jikkwalifikaw mat-Top Six.
Fil-veritá, kienet missjoni impossibbli għalihom li jagħmlu dan minħabba li l-permutazzjonijiet, li kienu jinkludu lil Gzira United u lil Hamrun Spartans, ma kienux favur tagħhom wara l-bidu negattiv tal-istaġun.
Kienu l-Pawlisti li ħarġu fuq l-offensiva u wara biss żewġ minuti Jurgen Degabriele għadda lejn Giannis Bastianos li mill-viċin falla l-mira.
Minuta biss wara, Dexter Xuereb xeħet lejn Federico Falcone li d-daqqa ta’ ras tiegħu ġiet salvata mill-goalkeeper Xlukkajr, Marko Drobnjak.
Fit-12-il minuta, Hibernians tilfu ċans tad-deheb li jiftħu l-iskor meta d-daqqa ta’ ras ta’ Federico Falcone ġiet imċaħħda mil-lasta.
Madankollu, fis-27 minuta, Marsaxlokk fetħu l-iskor meta minn azzjoni ta’ corner mogħti minn Aguirre, ALEX DE AGUILAR GOMES tefa’ ġewwa.
Fil-ftuħ tat-tieni taqsima, Hibernians ħarġu ferm aggressivi u fid-49 minuta xutt b’saħħtu ta’ Bastianos ġie salvat b’diffikultà minn Drobnjak, bil-ballun jigi ikklerjat mid-difiża ta’ Marsaxlokk.
Fil-54 minuta Jurgen Degabriele indirizza through pass lejn Ayrton Attard li minn qagħda angolata xeħet barra.
Il-Pawlsiti komplew jippressaw u, tliet minuti wara, Kurt Shaw sab lill-goalkeeper Drobnjak attent.
Marsaxlokk wieġbu fit-68 minuta meta xutt tas-sostitut Holzhauser intemm barra.
Fit-73 minuta, il-Pawlisti resqu viċin meta d-daqqa ta’ ras ta’ Falcone għaddiet tħakkek mal-wieqfa
Fit-80 minuta, Hibernians kisbu l-goal tad-draw meta kien proprju FEDERICO FALCONE li wara li rċieva mill-cross ta’ Bruno, kellu d-daqqa ta’ ras tiegħu tintemm wara Drobnjak.
MARSAXLOKK: 95-Marko Drobnjak, 4-Karl Micallef, 6-Nikolai Muscat, 10-Yuri De Jesus Messias (17-Jacob Walker 89), 19-Jose Ulises Arias (11-Duane Bonnici 89), 21-Jai Quitongo (26-Raphael Holzhauser 64), 22-Lucas Emanuel Lopez, 23-Alex De Aguilar Gomes (9-Patrick Nonato 80), 24-Enmy Manuel Pena Beltre, 27-Leandro Aguirre, 30-Ryan Scicluna – Coach: Vincenzo Potenza
HIBERNIAns: 30-Hugo Sacco, 4-Alfred Silas (2-Kleiton 89), 5-Kurt Shaw, 7-Ayrton Attard (9-Felicio Carvalho 68), 8-Rodrigo Fraga, 10-Jurgen Degabriele (11-Bjorn Kristensen 68), 14-Dexter Xuereb (17-Isaiah Chukunyere 80), 20-Federico Falcone, 29-Giannis Bastianos (21-Alex Bruno De Souza Silva 68), 44-Henrique Nunes Silva, 99-Gabriel Higor Alves – Coach: Branko Nisevic
REFEREE: Malcolm Spiteri
ASS. REFEREES: Alan Camilleri, Max-Lee Muscat
RABA’ UFF: Glen Tonna
SKORERS: A. De Aguilar Gomes 28 (M), F. Falcone 80 (H)
AMMONITI: J. Quitongo (M), P. H. Nunes Silva, B. Kristensen (H)
