Hekk kif Brandon Rodgers tneħħa mill-kariga ta’ kowċ ta’ Leicester City, tal-aħħar qed ifittxu persuna oħra sabiex jieħu r-riedni tat-tim li bħalissa xejn m’hu sejjer tajjeb fil-kampjonat Ingliżi. Fil-fatt, The Foxes li fis-sena 2016 kienu champions tal-Premier League Ingliż, bħalissa jinsabu fil-post ta’ qabel tal-aħħar fil-klassifika, meta fadal disa’ partiti għal tmiem l-istaġun.
Diversi ġurnali Ingliżi qed jispekulaw li l-ogħla awtoritajiet tal-klabb qed jaħsbu f’Martin O’Neill, li llum il-ġurnata għandu 71 sena u li kien mexxa lil Leicester bejn is-snin disgħin. Hu ilu wieqaf tliet snin mill-kowċing meta l-aħħar tim li mexxa kien Nottingham Forest.
