Il-player ta’ Manchester United, Mason Greenwood, ġie arrestat fuq suspett ta’ stupru u attakk wara allegazzjonijiet fuq il-media soċjali.
Il-Pulizija ta’ Greater Manchester qalet li saret konxja ta’ “immaġini u filmati fuq il-media soċjali mibgħuta minn mara li rrapportat inċidenti ta’ vjolenza fiżika”.
Żiedet “nistgħu nikkonfermaw li raġel ta’ 20 sena minn dak iż-żmien ġie arrestat fuq suspett ta’ stupru u attakk”.
Huwa jibqa’ arrestat għall-interrogazzjoni u l-inkjesti għadhom għaddejjin.
Manchester United aktar kmieni qalu li l-player mhux se jirritorna għat-taħriġ jew il-logħbiet qabel avviż ieħor.
Il-club qal li “ma japprova l-vjolenza ta’ ebda tip” u kien ġie mgħarraf bl-allegazzjonijiet fuq il-media soċjali iżda ma kienx se jagħmel aktar kummenti sakemm il-“fatti jkunu ġew stabbiliti”.
Mason Greenwood ma weġibx għall-allegazzjonijiet tal-media soċjali.
Il-player ta’ 20 sena, li ddebutta mal-club f’Marzu 2019, iffirma kuntratt ta’ erba’ snin fi Frar 2021 wara li tela’ fil-gradi tal-akkademja tal-United.
