Il-manager ta’ Chelsea Thomas Tuchel żvela li Mateo Kovacic jista’ jkun barra għal “xi ġimgħat” b’injury fil-hamstring li sofra waqt is-sessjoni ta’ taħriġ tal-Ħamis.
L-internazzjonali tal-Kroazja kien f’forma impressjonanti għall-Blues matul l-istaġun 2021-22, billi skorja goal wieħed u pprovda ħames assists fi 13-il dehra fil-kompetizzjonijiet kollha.
Madankollu, il-player ta’ 27 sena issa qed jiffaċċja perjodu barra mil-logħob bl-injury li sofra “fl-aħħar minuta ta’ taħriġ” nhar il-Ħamis.
“Kellna aħbar ta’ dieqa ħafna nhar il-Ħamis. Huwa weġġa’ fl-aħħar minuta tat-taħriġ,” qal Tuchel. “Sofra injury fil-hamstring u fil-fatt se jkun barra għal xi ġimgħat, il-ġimgħa d-dieħla żgur u mbagħad tasal il-waqfa internazzjonali.”
“Nisperaw li wara l-waqfa internazzjonali jerġa’ lura.”
Kovacic, li għandu kuntratt fi Stamford Bridge sa Ġunju 2024, għamel 153 dehra mal-Blues minn mindu ngħaqad magħhom mingħand il-ġganti Spanjoli Real Madrid.