Mateo Retegui, li fis-sajf telaq lil Atalanta biex jingħaqad mal-klabb Al-Qadisiya fl-Arabja Sawdija, qal lill-istazzjon mill-istess pajjiż li ddeċieda li jingħaqad mal-klabb minħabba l-fiduċja li tah il-kowċ. Żied jgħid li kien hemm diversi timijiet interessati fih, fosthom il-Milan, iżda n-negozjati ma wasslux għal ftehim. Skontu, Al-Qadisiya kienet it-tim li wera l-aktar serjetà u x-xewqa li jakkwistah.
Mateo Retegui twieled fl-Argentina fl-1999 u għandu ċittadinanza Taljana. Huwa attakkant li beda l-karriera tiegħu fil-futbol Arġentin, fejn lagħab ma’ Boca Juniors u Tigre. Aktar tard mar jilgħab fl-Italja ma’ Genoa u mbagħad ma’ Atalanta.