Real Sociedad qed isegwu sew lid-difensur ċentrali Mats Hummels. Dan il-plejer għandu 35 sena u għadu ġej minn esperjenza ta’ ħames snin ma’ Borussia Dortmund fejn lagħab 142 logħba u skorja 11-il gowl.
Hummels jinsab bħala aġent ħieles minħabba li spiċċalu l-kuntratt mat-tim li jilgħab f’Signal Iduna Park.
Fil-passat, Hummels lagħab ukoll ma’ Bayern Munich.
Real Sociedad iridu jsaħħu t-tim tagħhom biex jerġgħu jiġu fl-ogħla pożizzjonijiet f’La Liga Spanjola.
