Il-captain tat-tim nazzjonali Malti Malta Matthew Guillaumier irritorna ma’ Hamrun Spartans, u b’hekk immarka r-ritorn tiegħu fil-futbol Malti.
Il-midfielder Malti kien ilu mingħajr klabb fl-aħħar ġimgħat wara t-tluq tiegħu mit-tim Grieg Panseirrakos, li magħhom beda l-istaġun 2025/26.
Matul iż-żmien tiegħu fis-Super League Griega, Guillaumier għamel tmien dehriet fil-kampjonat u deher darba fit-Tazza domestika.
Qabel ma mar jilgaħb il-Greċja, l-internazzjonali Malti qatta’ żewġ staġuni fl-ogħla diviżjoni tal-Polonja ma’ Stal Mielec, fejn lagħab 67 partita, skorja ħames gowls u pprovda ħames assists.
Guillaumier lagħab ma’ Hamrun Spartans bejn l-2020 u l-2022, qabel ma rritorna magħhom għall-istaġun 2022/2023.
Matul iż-żmien tiegħu mal-klabb, huwa rreġistra 11-il gowl u 11-il assist fi 68 dehra, u għen lill-Spartans jilħqu żewġ titli tal-Malta Premier filwaqt li għenhom ukoll jilħqu r-rawnd tal-Play-Off tal-UEFA Conference League.
Hamrun qed jimmiraw li jsaħħu n-nofs tal-grawnd tagħhom matul it-tieqa tat-trasferimenti ta’ Jannar bħala parti minn riforma usa tal-iskwadra, bil-għan li jżommu b’suċċess it-titlu tagħhom tal-Malta Premier.
Guillaumier huwa t-tieni midfielder li ngħaqad mal-iSpartans dan ix-xahar wara li qablu dwar ftehim biex jakkwistaw lil Danilo Bulevardi.
